Türkiyənin Antalya şəhərində keçirilən və Azərbaycanın sığortaçılardan ibarət nümayəndə heyətinin iştirak etdiyi "Beynəlxalq Sığorta Sərgisi və Konqresi" öz işini davam etdirir.

"Siqortaci.az" ASA-ya istinadən xəbər verir ki, Konqresin bugünkü toplantısında Avrasiya panelində Azərbaycan Mərkəzi Bankının Baş direktoru Ziya Əliyev "Azərbaycanda sığorta bazarının inkişaf trendləri, həyata keçirilən islahatlar və onların təsirləri" mövzusunda, Azərbaycan Sığortaçılar Assosiasiyasının İcraçı direktoru Elmar Mirsalayev isə "Türk dövlətlərinin sığorta habı - Türk Dünyası Sığorta Birliyi: nailiyyətlər və hədəflər" mövzusunda çıxış ediblər. Çıxışlar konqres iştirakçıları tərəfindən rəğbətlə qarşılanıb.