Son dövrlərdə ictimaiyyətdə kredit götürən şəxslərin həyatlarını sığortalama imkanları ilə bağlı yeni qaydalar müzakirə olunur. Kredit götürən şəxslər artıq öz həyatlarını sığortalamaq üçün daha geniş seçimlər əldə edəcəklər.

Kredit həyat sığortası kredit müddəti boyunca kredit götürənin vəfat etməsi və ya xəstəlik, bədbəxt hadisə nəticəsində əlilliyinin yaranması hallarında borcun sığorta şirkəti tərəfindən ödənilməsini təmin edir. Qeyd edək ki, müştəri özü könüllü olaraq, Kredit Həyat Sığortası məhsulunu əldə edib-etməməyi seçə bilər və bu kreditin verilməsi ilə bağlı yekun qərara təsir göstərməyəcək.

Bəs "Kredit həyat sığortası"-nı əldə etmək bahadırmı?

“Kredit həyat sığortası”nın qiyməti kredit götürən şəxsin yaşı, kreditin müddəti və məbləğindən asılı olaraq dəyişir.

Məsələn, 35-40 yaş arası bir şəxs 10 min AZN istehlak kredit götürdükdə, sığorta haqqı təxminən 20-30 AZN civarında olur.

Eyni yaş kateqoriyasında olan bir şəxs, əgər 3000 manatlıq kredit götürərsə, bu zaman sığorta haqqı daha da aşağı olacaq və təxminən 10 AZN təşkil edəcək.

Qeyd edək ki, göstərilən məbləğlər aylıq və illik deyil, kredit müddəti ərzində ümumi olaraq ödəniləcək məbləğdir.

Kredit həyat sığortası tam olaraq kredit müddətini əhatə edir. Müştərinin ölüm, xəstəlik və ya bədbəxt hadisə nəticəsində əlilliyin təyin olunması hallarında, sığorta şirkəti qalan kredit borcunu qarşılayır.

Çoxları kredit həyat sığortasının bahalı olduğunu düşünsə də, əslində bu xidmətin qiyməti hər kəs üçün əlçatandır. Yuxarıdakı nümunələrdən də göründüyü kimi, bu sığorta növü kredit götürənlər üçün münasib və dəyərli bir təminatdır.

Daha ətraflı məlumat üçün 012 942 nömrəsi ilə əlaqə saxlaya və ya bu linkə keçid edə bilərsiniz: https://pasha-life.az/products/kredit-heyat-sigortasi/