“PAŞA Sığorta” 2026-cı ilin avqust ayında müştərilərinə müxtəlif sığorta hadisələri üzrə ümumilikdə 18 milyon manatdan çox məbləğdə ödənişlər həyata keçirib.

Siqortaci.az xəbər verir ki, şirkət ay ərzində minlərlə avtonəqliyyat hadisəsi üzrə 10.072.958 ₼, yüzlərlə əmlak hadisəsi üzrə 959.525 ₼ məbləğində sığorta ödənişi edib. Qeyd edək ki, ödənişlər həm icbari, həm də könüllü sığorta müqavilələri əhatə edib.

Bununla yanaşı, minlərlə könüllü tibbi sığorta, səyahət sığortası, məsuliyyət sığortası və digər sığorta növləri üzrə 7 milyon manatdan çox ödəniş edilib.

Gözlənilməz hadisə baş verdikdə müştərinin yanında olmaq, zərərin maliyyə yükünün azaldılmasına dəstək göstərmək və ödəniş prosesini həyata keçirmək şirkətin əsas prioritetidir.