Fitch 2022-ci ildə Avropa üzrə sığorta sektorunun proqnozunu açıqlayıb.

"Siqortaci.az" xəbər verir ki, Fitch Ratings-in məlumatına görə, həyat sığortasından başqa və İtaliya ilə Böyük Britaniya istisna olmaqla, Avropanın əsas sığorta bazarlarında sığorta sektorunun proqnozu 2022-ci ildə əsasən neytraldır.

Bununla belə, İtaliyada risk sığortası seqmenti ilə bağlı proqnozlar pisləşir. Çünki Fitch, xüsusilə də avtomobil sığortası üzrə iddiaların tezliyində artım gözləyir. Anderaytinq gəlirliliyinin aşağı düşməsi ehtimalı var ki, bu da yüksək inflyasiya iddiaları ilə daha da pisləşə bilər. Fitch həmçinin ölkədə tariflərin sabit olma ehtimalının az olacağını gözləyir. Sığortaçılar, rəqabətli qiymət mühitini və pandemiya zamanı aşağı iddialardan sonra müştərilərin güzəştlər üçün gözləntilərini nəzərə alaraq ödənişləri artırmaq istəmirlər.

Böyük Britaniyada isə yeni qiymət qaydalarına görə, bazarın görünüşü qismən pisləşir. Lakin bu, biznesdə üstünlük təşkil edən, kommersiya istiqamətlərində ən yaxşı qiymətləri əks etdirən London sığorta bazarına aid edilmir. Böyük Britaniyada korporativ bazar və London sığorta bazarı üçün ziddiyyətli perspektivlər iki bazarın fərqli kredit profillərini əks etdirir. Reytinq agentliyinin Böyük Britaniya bazarı üçün yüksək inflyasiya proqnozu, iddiaların pandemiyadan əvvəlki səviyyəyə qədər artması və yeni qiymət qaydalarının gəlirliliyi azaldacağına dair gözləntiləri, Krallıqda sektor üzrə perspektivin neqativə doğru irəlilədiyini göstərir.

Eyni zamanda Fitch Ratings sənaye seqmentinə xəbərdarlıq edir ki, yeni qaydalar 2022-ci ildə sığortaçıların marjalarını da aşağı salacaq.

Qlobal bazarlarda cari yüksək inflyasiya davam edərsə, bütün bazarlarda sığortaçılar zərər çəkə bilər. Fitch güman edir ki, yüksək inflyasiya  qısamüddətli ola bilər. Lakin bu, növbəti iki və ya daha çox il ərzində gözləntiləri nəzərəçarpacaq dərəcədə üstələsə, sığortaçılar qısamüddətli biznes sahələrində marjaların kiçilməsini və uzunmüddətli işlərində ehtiyat kəsirini görə bilərlər.