25 ildir fəaliyyətini uğurla davam etdirən “Azərbaycan Sənaye Sığorta” 2021-ci il üzrə 12 milyon 26 min 560 manat məbləğində sığorta haqqı toplamışdır.

"Siqortaci.az" xəbər verir ki, bu məbləğin 6 milyon 849 min 447 manatı könüllü, 5 milyon 177 min 113 manatı isə icbari sığorta növlərinin payına düşür.

Ötən il ilə müqayisədə şirkətin ümumi sığorta yığımlarında 33% artım olmuşdur. Artım daha çox könüllü sığorta növlərini əhatə edir. Belə ki, hesabat dövrü ilə müqayisədə könüllü növlər üzrə yığım 48%-ə kimi yüksəlib. Artım könüllü sığortada əsasən tibbi, əmlak və kasko növləri, icbari sığortada isə daşınmaz əmlakın icbari sığortası və icbari avtomobil növlərindən ibarətdir.

Həmçinin, hesabat dövründə müxtəlif sığorta hadisələrinə görə 4 milyon 270 min 394 manat həcmində sığorta ödənişi həyata keçirilmişdir.  Göstərilən dövr ərzində ən böyük sığorta ödənişi 63 min 520 manat olmuşdur. Şirkətin mənfəəti 2021-ci üzrə 2 milyon 479 min 521 manat təşkil edir.

“Azərbaycan Sənaye Sığorta” müxtəlif kampaniyalar, yeni məhsullar və əlverişli təkliflərlə müştərilərinə “Dəqiq, Şəffaf və Etibarlı tərəfdaş” olaraq xidmət göstərməyi hədəfləyib.